Türkiyənin Kocaeli şəhərində ümummilli Lider Heydər Əliyevin adını daşıyan park açıldı.
Türkiyənin Kocaeli şəhərinin Kartəpə Bələdiyyəsinin ərazisində ümummilli
Lider Heydər Əliyevin adını daşıyan parkın, açılış mərasimi oldu. Mərasimdə Azərbaycan Respublikası Diasporasının İş üzrə Dövlət Komitəsinin və İstanbuldaki Baş Konsullugunun nümayəndələri, Kocaelinin Bələdiyyə sədri, siyasi partiya təşkilatlarının üzvləri Kocelidə təhsil alan Azərbaycanlı tələbələr iştirak edirdilər.
Çıxış edən Azərbaycanın İstanbuldakı Baş Konsulu Həsən Zeynalov, Türkiyə və Azərbaycanın birgə gələcəyini "bir millət, iki dövlət" prizmasından görən ümummilli liderimizin, xalqlarımız qarşısındakı xidmətlərindən danışdı.
Ümummilli jider Heydər Əliyevin xatirəsi Türkiyənin hər bir guşəsində əziz tutulduğu, bu gündə qardaş ölkənin Kartəpə Bələdiyyəsinin ərazisində yerləşən bu əzəmətli parka onun adının verilməsini əlamətdar hadisə kimi qiymətləndirdi.
Daha sonra mehtər qrupunun ifasında qəhrəmanliq marşı ifa olundu.
Kartəpə Bələdiyyə başçısı Şükrü Karabalık Türk dünyasının dahi şəxsiyyəti Heydər Əliyevin adını daşıyan parkın, rəhbərlik etdiyi bələdiyyənin ərazisində olmasından qürur hissi keçirdiyini qeyd edərək, 4950 m² ərazisi olan parkda Bələdiyyə sakinlərinin dincəlməsi üçün müasir tələblərə uyğun şərait yaratdıqlarını qeyd etdi.
Türkiyə Azərbaycan Dərnəkləri Federasiyası Başçısı Bilal Dündar isə bundan sonrada Kocaeli şəhərində Heydər Əliyevin xatirəsinin əbədiləşdirilməsi yolunda görüləcək işlərdən danışdı.
Mərasim milli musiqi sədaları altında rəqs nümunələri ilə davam etdi.
|