31 Dekabr – Dünya Azərbaycanlılarının Həmrəyliyi Günü İstanbulda qeyd edildi
Dekabr ayının 30-da Dünya Azərbaycanlılarının Həmrəylik Günü münasibəti ilə Baş Konsulluq İstanbul Dedeman otelində geniş bayram tədbiri keçirtdi. Tədbirdə TBMM millət vəkili Ali Özgündüz, Azərbaycan Xalq Cümhuriyyətinin qurucularından Fətəli Xan Xoyskinin nəvəsi Leyla İbrahim Xoyski, Nağı bəy Şeyxzamanovun nəvəsi Nəslixan Tombul, ATƏT-in Bakı ofisinin keçmiş rəhbəri, soydaşımız Aleksis Şaxtaxtinski, Türkiyədə fəaliyyət göstərən Azərbaycan şirkətlərinin, qeyri-hökümət təşkilatlarının nümayəndələri, universitetlərdə çalışan müəllimlər, iş adamları, mədəniyyət xadimləri, tələbələr və s. iştirak etdilər.
Tədbiri giriş sözü ilə açan Baş Konsul qonaqları salamlayaraq, onları Dünya Azərbaycanlılarının Həmrəylik Günü və Yeni il münasibəti ilə təbrik etdi. Tədbirin rəsmi hissəsində millət vəkili Ali Özgündüz, Azərbaycan-Türkiyə dərnəklərin başqanları və digərləri çıxış etdilər.
Bayram Azərbaycandan gələn və İstanbulda fəaliyyət göstərən incəsənət nümayəndələrinin iştirakı ilə gecə saatlarına kimi davam etdi. Tədbirdə iştirak edən Brilliant Dadaşova, Əlixan Səmədov öz musiqi heyətləri ilə, həmçinin Cahangir Novruzov, İradə İbrahimova, İslam Manafov kimi incəsənət xadimləri çıxış etdilər. Bayram münasibəti ilə və fəal iştiraklarına görə mədəniyyət xadimlərinə və musiqiçilərə Baş Konsulluq tərəfindən plaketlər təqdim olundu.
|
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
