20 yanvar 2012-ci il tarixində İstanbulun Etiler rayonunda yerləşən Uygulama Mehmanxanasında 20 Yanvar faciəsinin 22-ci ildönümü ilə bağlı sərgi və konfrans keçirildi. Zalın foyesində faciə qurbanlarına həsr edilmiş foto sərgi təşkil edilmiş və məlumat-təbliğat materiallarından ibarət masalar hazırlanmışdır. Mərasimdə Azərbaycanın müstəqilliyi uğrunda şəhid olmuş vətəndaşlarımızın xatirəsi bir dəqiqəlik sükutla yad edilmiş, hər iki ölkənin dövlət himni səsləndirilmişdir.
Konfransı çıxış sözü ilə açan Baş konsul Həsən Zeynalov sovet ordusunun ölkəmizin ərazi bütövlüyü və azadlığı uğrunda mübarizəyə qalxan silahsız Azərbaycan xalqına qarşı törətdiyi vəhşiliklərdən danışmış, 20 Yanvar xalqımızın qəhrəmanlıq salnaməsinin yazdığı gün olduğunu qeyd edərək bu günün Azərbaycan xalqının qan yaddaşından heç vaxt silinməyəcəyini tədbir iştirakçılarının diqqətinə çatdırmışdır.
Konfransda Türkiyənin CHP İstanbul millət vəkili Ali Özgündüz, Türkiyə-Azərbaycan Dərnəkləri Federasiyasının sədri Bilal Dündar, Türkiyə-Azərbaycan Dostluq, Mədəniyyət və Həmrəylik Dərnəyinin sədri Salih Bayrakdar, Azərbaycan-Türkiyə Dərnəyin sədri Səfər Karakoyunlu, Azərbaycan Mədəniyyət Evi Dərnəyinin sədri Erol Göllü, Yıldız Texnik Universitetinin professoru Adil Allahverdiyev, İstanbul Boğaziçi Universitetinin tələbəsi Nuranə Əzizli faciə ilə bağlı geniş çıxışlar edərək, məsələyə öz münasibətlərini nümayiş etdilər.
İstanbul Universitetinin tələbəsi Sərxan Məmmədov 20 yanvar şəhidlərin xatirəsinə həsr etmiş yazdığı şeri tədbirdə oxuyarkən iştirakçıları çox duyğulandırdı.
Mərasimin sonunda 20 Yanvar faciəsi ilə bağlı Azərbaycan televiziyasının hazırladığı “Azadlığa gedən yol” sənədli filmi nümayiş etdirildi. Tədbir iştirakçıları təbliğat materiallarına böyük maraqlarına göstərdiyi üçün bütün kitab və broşürlər onlara hədiyyə edildi.
Tədbirdə millət vəkili, mətbuat nümayəndələri, qeyri-hökumət təşkilatların, siyasi partiyaların nümayəndələri, İstanbulda fəaliyyət göstərən mədəniyyət və elm xadimləri, iş adamları, müəllim və tələbələr iştirak etmişlər. Həmin gün İstanbulun bir necə məscidində şəhidlərin ruhuna ehsan verildi və dualar oxundu.
Tədbir TRT AVAZ TV kanalında canlı yayımlandı, AzTV və İTV kanalları və “Olaylar” informasiya agentliyi və digər mətbuat vasitələri tərəfindən geniş işıqlandırıldı.
|
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
