Türkiyə nigah qurumlarında nigaha daxil olmaq istəyən Azərbaycan vətəndaş(lar)ı üçün Ədliyyə Nazirliyinin Vətəndaşlıq vəziyyəti aktlarının reyestr xidmətindən subaylıq haqqında arayış alınmalıdır. Daha sonra həmin arayış və şəxsin doğum haqqında şəhadətnaməsi Bakı şəhəri 1 saylı dövlət notariat kontorunda türk dilinə tərcümə etdirilməli, həmçinin notarial və apostil qaydasında təsdiq etdirilməlidir. Qeyd olunan şəkildə tərtib olunmuş sənədlərlə Türkiyə nigah qurumlarına müaricət edildiyi halda, nigah rəsmiləşdirilir.
Ədliyyə Nazirliyindən alınmış subaylıq haqqında arayış və doğum haqqında şəhadətnamə yuxarıda qeyd olunan şəkildə tərcümə və təsdiq edilmədiyi təqdirdə, vətəndaş həmin subaylıq haqqında arayış, doğum haqqında şəhadətnamə, pasport və 2 ədəd fotoşəkillə birlikdə zəruri rəsmiləşdirilmə üçün konsulluğa müraciət edə bilər.
|